بەغداد - INA - محەمەد تالیبی
وەزارەتی بازرگانیی عێراق، ئەمڕۆ سێشەممە جەختی کردەوە کە سەربڕخانەی گۆشتی (فوزێلیە) لە ماوەی ڕۆژانی جەژندا بە ئەوپەڕی توانای خۆیەوە کار دەکات، هاوکات ئاماژەی بەوەش کرد کە پڕۆژەکانی (هایپەرمارکێت) ڕووبەرێکی گونجاویان بۆ فرۆشتنی گۆشتی ناوخۆیی و بە نرخێکی ڕکابەرانە تەرخانکردووە.
بەڕێوەبەری ڕاگەیاندنی کۆمپانیای گشتیی بازرگانیی ماددە خۆراکییەکان، ئەحمەد عەلی عەبدولڕەزا، بە ئاژانسی هەواڵی عێراقی (INA)ی ڕاگەیاند: "هاوکاری لەگەڵ کەرتی تایبەتدا بەشداربووە بە شێوەیەکی بەرچاو لە کۆنترۆڵکردن و جێگیرکردنی نرخەکاندا، بەتایبەت لە پڕۆژەکانی (هایپەرمارکێت) کە ڕووبەرێکی گونجاو تەرخاندەکەن بۆ فرۆشتنی گۆشت و بەرهەمە ئاژەڵییە ناوخۆییەکان بە نرخێکی ڕکابەرانە".
وتیشی: "دواینی ئەم پڕۆژانە لەگەڵ کەرتی تایبەتدا، کردنەوەی پڕۆژەی سەربڕخانەی گۆشتی فوزێلیە بوو کە بە توانایەکی باشەوە دەستی بە کارەکانی کردووە"، ئاماژەی بەوەش کرد کە "سەربڕخانەی فوزێلیە کار دەکات بۆ دابینکردنی گۆشتی ناوخۆیی بە نرخێکی گونجاو، بەتایبەت لە جەژنی قورباندا کە زۆرجار بەرزبوونەوەی نرخی گۆشت و مەڕوماڵات بەخۆیەوە دەبینێت".
جەختیشی کردەوە کە "نرخەکان چاودێریکراون و لە ژێر سەرپەرشتی وەزارەتی بازرگانی و کۆمپانیای گشتیی بازرگانیی ماددە خۆراکییەکانداند، و بازاڕیش سەقامگیرە چ لەسەر ئاستی ماددە خۆراکییەکان بێت یان نرخی گۆشت و بەرهەمە ئاژەڵییەکان".