بەغداد – INA
کۆمیسیۆنی مافەکانی مرۆڤ لە عێراق، ئەمڕۆ سێشەممە، ڕێککەوتننامەیەکی هاوکاری هاوبەشی لەگەڵ دەزگای هەواڵگری نیشتمانی واژۆ کرد.
کۆمیسیۆنەکە لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه: "ڕێککەوتننامەیەکی هاوکاری هاوبەش لەگەڵ دەزگای هەواڵگری نیشتمانی عێراق واژۆکرا، کە ئامانج لێی بەهێزکردنی هەماهەنگی و ئاڵوگۆڕی شارەزایی نێوان هەردوولایە".
ههروهها ئهوهیش هاتووه كه: "ڕێککەوتننامەکە لەلایەن ڕاوێژکار سەعد عەبدەلی بە نوێنەرایەتی کۆمیسیۆن، و لەلایەن بەڕێوەبەری گشتیی مەشق و پەرەپێدانی هەواڵگری بە نوێنەرایەتی دەزگای هەواڵگری نیشتمانی واژۆ کراوە"، ئاماژەی بەوەش کردووە کە "ڕێککەوتننامەکە چەند بڕگەیەک لەخۆدەگرێت کە تیشک دەخەنە سەر بڵاوکردنەوە و چەسپاندنی کولتووری مافەکانی مرۆڤ، لەگەڵ ئاڵوگۆڕی شارەزایی و ڕاوێژکاری لە بواری پسپۆڕی کارەکانی هەردوولادا".
کۆمیسیۆنەکە ڕوونکردنەوەی داوە کە "ئەم هەنگاوە لە چوارچێوەی هەوڵە بەردەوامەکاندایە بۆ پەرەپێدانی ئەدای دامەزراوەیی و چەسپاندنی پێوەرەکانی مافی مرۆڤ لە کارە ئەمنی و هەواڵگرییەکانی ناو عێراقدا".