بەغدا - INA
ئەمڕۆ شەممە محەمەد نووری ئەحمەد وەزیری لاوان و وەرزش بە وەكالەت، پیرۆزبایی لە یونس مەحمود كرد بەبۆنەی هەڵبژاردنی وەك سەرۆكی یەكێتی تۆپی پێی عێراق، لەگەڵ هەردوو جێگرەكەی و دەستەی كارگێڕی نوێی عێراق.
لە بەیاننامەیەكدا كە بە ئاژانسی هەواڵی عێراقی (INA) گەیشتووە و ئەحمەد ڕایگەیاند : پیرۆزبایی لە كاپتن یونس مەحمود دەكەین بەبۆنەی هەڵبژاردنی وەك سەرۆكی یەكێتی تۆپی پێی عێراق، و هەردوو جێگرەكەی و سەرجەم ئەندامانی براوەی دەستەی كارگێڕی نوێ،هیوای سەركەوتنیان بۆ دەخوازین لە جێبەجێكردنی ئەركەكانیان و كاركردن بۆ گەیشتن بەو دەستكەوتانەی كە بەشدارن لە پەرەپێدانی كارەكانی كۆمەڵەكە، خزمەتكردنی ئامانجەكانی و بەرزكردنەوەی تۆپی پێی عێراق.
ئاماژەی بەوەشكرد : بەم بۆنەیەوە پاڵپشتی وەزارەتی لاوان و وەرزش بۆ یەكێتی تۆپی پێ دووپاتدەكەینەوە، هاوتەریب لەگەڵ پرۆگرامی وەزاری حكومەت بە ئامانجی بەرەوپێشبردنی كەرتی وەرزشی و بەرزكردنەوەی ئاستی ئامادەیی عێراق و بەرزكردنەوەی ناوبانگەكەی لە بۆنە وەرزشییە نێودەوڵەتییە جیاوازەكاندا.