مارکۆ ڕوبیۆ، وەزیری دەرەوەی ئەمەریکا کە لە سەردانێکی چوار ڕۆژەدایە بۆ هیندستان، ڕۆژی شەممە هەڵوێستی فەرمی و یەکلاکەرەوەی ئەمەریکای لە دانوستانە بەردەوامەکانی لەگەڵ ڕێژیمی ئێران دووپاتکردەوە و گوتی "دانوستانەکان پێشکەوتنی بەخۆیەوە بینیوە."
ڕوبیۆ لەوەڵامی پرسیاری ڕۆژنامەواناندا لە نیودهێلی گوتی هەندێک پێشکەوتن هەبووە، "تەنانەت لەئێستادا کە قسەتان لەگەڵ دەکەم هەندێک شت بەڕێوەدەچێت، جا درەنگانێکی ئەمڕۆ، سبەی، یان یەک دوو ڕۆژی تر، ڕەنگە شتێکمان هەبێت بۆ وتن."