بەغدا - INA
ئەمڕۆ شەممە عەلی فالح زەیدی سەرۆك وەزیران سەردانی وەزارەتی دارایی كرد و ئاڕاستەی پەرەپێدانی دیدگایەكی هەمەلایەنەی كرد.
نووسینگەی ڕاگەیاندنی سەرۆك وەزیران لە بەیاننامەیەكی ڕۆژنامەوانیدا كە بە ئاژانسی هەواڵی عێراقی (INA) گەیشتووە و ڕایگەیاندووە : عەلی فالح زەیدی سەرۆك وەزیران لە چوارچێوەی بەدواداچوونەكانی بۆ كاری وەزارەتەكان و بەرنامەی جێبەجێكردن و خزمەتگوزاری و ئابوورییان سەردانی وەزارەتی دارایی كردووە،ئاماژە بەوەشكراوە، زەیدی سەرۆكایەتی كۆبوونەوەی ستافی باڵای وەزارەتەكەی كرد و گوێی لە ڕاپۆرتەكانی تایبەت بە كارەكانی وەزارەت لە سەرجەم بەشەكانیدا گرت، جەختیشی لەوە كردەوە كە عێراق بە قۆناغێكی دارایی و ئابووری هەستیاردا تێدەپەڕێت كە بەهۆی پێشهاتە ناوچەیی و نێودەوڵەتییەكان و كاردانەوەكانیان لەسەر ئابووری جیهانی سەپێنراوە.
بەگوێرەی بەیاننامەكە زەیدی ڕوونیكردووەتەوە : ئەو گۆڕانكاریانە كاریگەرییان لەسەر توانای هەناردەكردنی عێراق و داهاتی نەوت هەبووە، ڕوونیشی كردەوە كە 90%ی بودجە پەیوەستە بە داهاتی نەوتەوە، هەروەها دەبێت هەوڵ بدرێت بۆ فراوانكردنی ئابووریی غەیرە نەوت، وەرگرتنی بەدیلێك كە پاڵپشتی هەمەچەشنكردن بكات، هەروەها شەفاف بێت لەگەڵ هاوڵاتیان سەبارەت بە ئاستەنگە داراییەكان، بەبێ زیادەڕەوی و ڕازاندنەوەی.
سەرۆك وەزیران ڕایگەیاند : دەمانەوێت وەزارەتی دارایی سیاسەتی دارایی عێراق دابڕێژێت، ئێمە پلانی عێراق بۆ ساڵی 2035 ئامادە دەكەین، وەزارەت دەبێت دیدگایەكی ڕوونی هەبێت، لەگەڵ ئەوەی بودجە وەك نەخشەڕێگایەك بۆ داهاتوو بێت، ڕوونیشیكردەوە، دەبێت بودجە زۆرترین سەرچاوەكانی زیاتر بكات، ناتوانین بەردەوام بین لەسەر پشتبەستن بە تەنها بە نەوت، عێراق ڕێگایەكی یەكتربڕاوە بۆ جیهان، پێویستە هەڵكەوتەی جوگرافیای بەكاربهێنین بۆ بەهێزكردنی داهاتەكانی.
زەیدی جەختی لەوە كردەوە : پێویستە مووچەی فەرمانبەران لە كاتی خۆیدا بدرێت بۆ ئەوەی تووشی دڵەڕاوكێی گشتی نەبێت، بە هەمان شێوە دەبێت پارەی چاودێری كۆمەڵایەتی بەپەلە خەرج بكرێت، ئێمە ئاڕاستەمان كردووە بۆ ئامادەكردنی ئەو پارەیەی كە قەرزاری جووتیاران و بەڵێندەران و وەبەرهێنەرانە. نابێت باجەكانیان دوابخرێت بۆ دڵنیابوون لە بەردەوامیی كاركردن، ئاماژەی بەوەشكرد، تێڕوانینێكی باو هەیە كە دەوڵەت ئابووری بەڕێوەدەبات، بەڵام ئێمە دەمانەوێت ئابووری دەوڵەت بەڕێوەببات، ئەگەر ئەم گۆڕانكارییە لە بیركردنەوەدا بەدیبهێنرێت، پێویستمان بە گۆڕینی كارمەندان نابێت و ووتیشی: دەوڵەت تەنیا پەیوەندی بە بودجە و تەرخانكردنەوە نییە، هەوڵ دەدات بۆ بەدەستهێنانی بەرهەمی ناوخۆیی بەرز، خەرجی حوكمڕانی و كارپێكردن هەیە كە كاریگەری ئەرێنی لەسەر گەشەپێدان نییە، بۆیە ئێمە كاردەكەین بۆ گۆڕینی چەمكە داراییە تەقلیدییەكان، ئاماژەی بەوەشكرد، نامانەوێت ئەزموونەكانی ڕابردوو دووبارە بكەینەوە، ڕۆڵی دەوڵەت ڕێكخستن و چاودێریكردنە، ئێمەش پاڵپشتی كەرتی تایبەت دەكەین، بەو پێیەی ئەو كەرتە دەبێتە هۆی گەشەپێدان. ئەركی ئێمەیە لەبەرچاوگرتنی پێداویستییەكانی هەژاران، بەڵام نابێت بەردەوام بین لە كاركردن بە عەقڵی سۆسیالیستی لە ئابووریدا.
سەرۆك وەزیران ڕوونیكردەوە : ئێمە ئاڕاستەمان كردووە بۆ ئامادەكردنی ڕاپۆرتێك لەسەر داهاتی گومرگی لە ماوەی شەش مانگی ڕابردوودا، بەتایبەتی بۆ كاڵای گومرگی بەرز، هەروەها تێبینیمان كردووە كە كاڵای گومرگی بەرز بە بەدیلێكی هەرزانتر لە ڕێگەی ڕێگەی چەوتەوە دەگۆڕدرێت، و ئۆتۆماتیكیكردن كۆتایی بەم دەستكاریكردنە دەهێنێت، ئاماژەی بەوەشكرد، ئێمە پێنج هەزار پزیشكمان هەیە كە گرێبەستیان لەگەڵ وەزارەتی تەندروستی هەیە، هەروەها ڕێنماییمان داوە بارودۆخەكانیان چارەسەر بكرێت، هەروەها ڕێنماییمان دەركردووە كە نمایشكردنی وێنەی سەرۆك وەزیران و وەزیرەكان لە هەموو بەش و دامودەزگاكان قەدەغە دەكات، دەمانەوێت خەڵك كارەكانمان ببینێت نەك وێنەكانمان.