بەغدا - INA
وەزارەتی ناوخۆ، ئەمڕۆ هەینی، دەنگۆی دیاریکردنی ڕاوێژکارێکی کاروباری خێڵەکان بۆ سەرۆک وەزیران ڕەتکردەوە.
لیوا سەلمان عەبدوڵڵا سەلمان حەسناوی، بەڕێوەبەری کاروباری خێڵەکانی عێراق لە وەزارەتی ناوخۆ، لە ڕاگەیەندراوێکدا کە بۆ ئاژانسی هەواڵی عێراقی (INA) نێردراوە ڕایگەیاند: ئەو پڕوپاگەندانە ڕەتدەکەینەوە کە لە هەندێک لە تۆڕە کۆمەڵایەتییەکاندا سەبارەت بە ناونانی ڕاوێژکارێکی کاروباری خێڵەکان بۆ سەرۆک وەزیران بڵاوبوونەتەوە، و جەخت دەکەینەوە کە ئەم هەواڵانە هیچ بنەمایەکی ڕاستییان نییە.
وتیشی: داوا لە هەمووان دەکەین لە گواستنەوەی زانیارییەکاندا ورد بن و هەواڵەکان تەنها لە سەرچاوە فەرمییەکانەوە وەربگرن