بەدواداچوون - INA
کۆمپانیای "سبيس ئێکس"ی ئەمریکی، پرۆسەی هەڵدانی نوێترین وەشانی مووشەکی "ستارشێپ"ی لە ساتەکانی کۆتاییدا هەڵوەشاندەوە، ئەوەش دوای دەرکەوتنی کێشەی تەکنیکی لە کاتی ژماردنە پێچەوانەکەدا .
ئیلۆن ماسک، بەڕێوەبەری جێبەجێکاری کۆمپانیای "سبيس ئێکس" ڕوونی کردەوە کە هۆکارەکە نەکشانەوەی بزمارێکی هایدرۆلیکی بووە کە قۆڵی تاوەری هەڵدانی جێگیر کردبوو. بەگوێرەی لێدوانەکانی، ئەگەر تیمی تەکنیکی بتوانن بە خێرایی کێشەکە چارەسەر بکەن، ئەوا هەوڵی داهاتوو بۆ هەڵدانی مووشەکەکە ئەنجام دەدرێت.
بڕیار بوو ئەم هەڵدانە ببێتە ١٢هەمین گەشتی تاقیکاریی مووشەکی "ستارشێپ" و یەکەم دەرکەوتنی دیزاینی وەشانی نوێی V3 بێت.
بەگوێرەی بەڕێوەبەرایەتی فڕۆکەوانی فیدراڵی ئەمریکا، هەوڵی داهاتووی "سبيس ئێکس" بۆ هەڵدانی مووشەکەکە، ئێوارەی ئەمڕۆ ٢٢ی ئایار دەبێت.
جێی ئاماژەیە کە "ستارشێپ V3" مووشەکێکی بێ کەشتیوانە و دەیان باشترکردن و گۆڕانکاری تێدا کراوە بە مەبەستی خێراکردنی پرۆسەکانی هەڵدانی مانگە دەستکردەکانی "ستارلینک" و جێبەجێکردنی ئەرکەکانی سەر مانگ سەر بە ئاژانسی "ناسا"، بڕیار بوو ئەم هەڵدانە تاقیکردنەوەیەکی میحوەری بێت بۆ مووشەکەکە دوای چەندین مانگ لە دواکەوتن.
شایانی باسە کە "سبيس ئێکس" چەندین مانگی بۆ دووبارە دیزاینکردنەوەی "ستارشێپ" تەرخان کرد دوای زنجیرەیەک شکست لە ساڵی ڕابردوودا، کە ئەنجامەکەی وەشانی V3 بوو، کە بڕیار بوو دوێنێ پێنجشەممە هەڵبدرێت.
سەرچاوە: ئاژانسەکان