بەغدا - INA
دەستەی دەسپاکی، ئەمڕۆ پێنجشەممە، هۆشداری دا لە گەورەکردنی دۆسیەکانی گەندەڵی، و جەختی کردەوە لەسەر پێویستی پشتبەستنی لێدوانەکان بە بەڵگەی موستەنەد و سەلمێنراو.
دەستەکە لە ڕاگەیەندراوێکدا کە بۆ ئاژانسی هەواڵی عێراقی (INA) نێردراوە ڕایگەیاند: وەک جەختکردنەوە لەسەر بەرپرسیارێتی نیشتمانی و پەرۆشی بۆ ئاگادارکردنەوەی ڕای گشتی لە ڕاستییەکان بەگوێرەی پرەنسیپی شەفافیەت کە بە یاسا پەسەندکراوە، دەستەی دەسپاکی فیدراڵ سەرسوڕمانی خۆی نیشان دەدات بەرامبەر هەندێک لێدوانی ڕاگەیاندن کە هەوڵی وروژاندنی ڕای گشتی دەدەن لە ڕێگەی گەورەکردن و تۆقاندنەوە، هەروەها بڵاوکردنەوەی زانیاری و تۆمەتی بێ بنەما بەبێ پشتبەستن بە بەڵگە یان سەلمێنراوی موستەنەد، یان باس لە دۆسیانە دەکەن کە هێشتا لە قۆناغی لێکۆڵینەوەدان لەژێر سەرپەرشتی دادوەریدا؛ هۆشداریش دەدەین لە لێکەوتە مەترسیدارەکانی ئەم هەڵسوکەوتە ناپەرپرسیارانە، نەک تەنها لەسەر ئاستی ناوخۆ، بەڵکو لەسەر ئاستی نێودەوڵەتیش؛ چونکە زیانی ڕاستەوخۆ بە ناوبانگی وڵات دەگەیەنێت و کاریگەری نەرێنی دەبێت کە دەرفەتەکانی وەبەرهێنان پەکدەخات و سەرمایەکان ڕاودەنێت و هەڕەشە لە سەقامگیری ئابووری دەکات.
هەروەها وتیشی: لەو کاتەی دەستەکە جەخت دەکەینەوە کە چاودێری وردی هەموو ئەو لێدوانانە دەکەین کە لە ڕێگەی میدیا و سۆشیاڵ میدیاوە بڵاودەکرێنەوە و پەلە دەکەین لە گرتنەبەری ڕێکاری پێویست بۆ بەدواداچوون و وردبینی، بەڵام چەندین جار ڕووبەڕووی ئەوە دەبینەوە کە هەندێک لە خاوەن لێدوانەکان ئامادە نین ئەو بەڵگانەمان پێ بدەن کە پشتگیری بانگەشەکانیان دەکەن دەربارەی دۆسیە و گومانەکانی گەندەڵی و ئەو ئامار و ژمارانەی بەبێ بنەما دەیانخەنە ڕوو، تەنها بەوەوە کۆتایی پێ دەهێنن کە بیگەڕێننەوە بۆ سەرچاوەی نادیار یان لاپەڕەی وەهمی یان ڕاپۆرتی میدیایی نافەرمی کە متمانەیان نییە. جێگەی داخی زۆرە کە هەندێک لەو لێدوانانە کە پشت بە بەڵگە نابەستن، جاروبار لە لایەن بەرپرسان یان پەرلەمانتارانی پێشوو یان ئێستاوە دەدرێن، کە چاوەڕوان دەکرا ئەوان یەکەم کەس بن پابەندی ڕێڕەوە یاسایی و دامەزراوەییەکان بن.
ئاماژەی بەوەش کرد کە دەستەکە دەرگاکانی خۆی بە ڕووی هەمواندا واڵا کردووە بۆ وەرگرتنی زانیاری و سکاڵا لەسەر گومانەکانی گەندەڵی، و بە شێوەیەکی فەرمی میکانیزمێکی یاسایی ڕوون و شەفافی گرتووەتە بەر بۆ وەرگرتنیان، کە پەسەندکراوە و لە ڕۆژنامەی فەرمی دا بڵاوکراوەتەوە؛ ئەمەش وەک هەنگاوێکی توندوتۆڵ بە مەبەستی ڕێگریکردن لە تێپەڕاندنی گومان و زانیاری نادروست لە فەزای ڕاگەیاندندا؛ بەڵام دەبینین هەندێک کەس پێداگری دەکەن لە پشتگوێخستنی ئەم دەروازە فەرمییانە و پەنا بۆ میدیا و سۆشیاڵ میدیا دەبەن لە هەوڵێکی ڕووندا بۆ کاریگەری نەرێنی لەسەر ڕای گشتی، بێ ئەوەی کەمترین ڕەچاوکردنی مەترسی ئەم کارە و ئەو لێکەوتە یاسایی و دادوەرییانە بکەن کە ڕەنگە ڕووبەڕووی خاوەنەکانیان ببێتەوە.
ڕوونیشیکردەوە کە دەستەکە هیوای ئەوە لە هەموان دەخوازێت بە بەرزترین ئاستی پەرۆشی و بەرپرسیارێتی نیشتمانییەوە مامەڵە لەگەڵ دۆسیە و گومانەکانی گەندەڵیدا بکەن، دووبارە جەختیشی کردەوە لەسەر بڕوای تەواوی بەوەی کە میدیا کۆڵەکەیەکی سەرەکی و هاوبەشێکی ڕاستەقینەیە لە ئاشکراکردنی شوێنەکانی گەندەڵی و بەرەنگاربوونەوەی، و جەخت دەکاتەوە سەر ئەوەی کە پێویستە لێدوانەکان پشتگیری کرابن بە بەڵگە و سەلمێنراوەکان کە دەستەکە بە فەرمی داوایان دەکات، ئەوەش بۆ دەستەبەرکردنی هەڵوەشاندنەوەی گومانەکان و بەڕێکردنیان بەگوێرەی ئەو ڕێڕەو و چوارچێوە یاسایی و دەستوورییانەی کە یاسا دیاریی کردوون