بەغدا - INA
فالح ساری، وەزیری پلاندانان بە وەکالەت، ئەمڕۆ پێنجشەممە فەرمانێکی بۆ دروستکردنی ناحیەی "ڕارنجیە" لە ناو قەزای نەخیلە لە پارێزگای بابل دەرکرد.
عەبدولزەهرە هینداوی، وتەبێژی فەرمی وەزارەت لە ڕاگەیەندراوێکدا کە بۆ ئاژانسی هەواڵی عێراقی (INA) نیردراوە ڕایگەیاند: فالح ساری، وەزیری دارایی – وەزیری پلاندانان بە وەکالەت، فەرمانێکی وەزاری بۆدروستکردنی ناحیەی ڕارنجیە لە ناو قەزای نەخیلە لە پارێزگای بابل دەرکرد، ئەمەش بە پشتبەستن بە دەسەڵاتە یاساییەکان و پێوەرە پەسەندکراوەکانی پلاندانان بۆ هێنانەکایەی یەکە کارگێڕییەکان
ڕوونیشیکردەوە کە فەرمانی وەزیر بۆ دروستکردنی ناحیەی ڕارنجیە، لە چوارچێوەی ئاڕاستەکانی وەزارەتدایە بۆ دووبارە ڕێکخستنەوەی پێکهاتەی کارگێڕی و فراوانکردنی مەودای خزمەتگوزارییە بنەڕەتییەکان، بە شێوەیەک کە لەگەڵ زیادبوونی ژمارەی دانیشتووان و پێداویستییەکانی گەشەپێدانی خۆجێییدا بگونجێت
وتیشی: دروستکردنی ئەم ناحیەیە بەشدار دەبێت لە بەهێزکردنی کارایی کارگێڕی خۆجێیی و نزیککردنەوەی فەرمانگە خزمەتگوزارییەکان لە هاووڵاتیان، جگە لە پاڵپشتیکردنی پلانەکانی گەشەپێدان و ئاوەدانکردنەوە، و باشترکردنی ئاستی خزمەتگوزارییە پێشکەشکراوەکان لە کەرتەکانی تەندروستی، پەروەردە، شارەوانییەکان و ڕێگاوبان، بەو ئامانجەی وەڵامدانەوەیەکی باشتر بۆ پێداویستییە زیادبووەکانی دانیشتووان هەبێت.
هینداوی ئاماژەی بەوەش کرد کە بڕیارەکە دوای تەواوکردنی پێداویستییە تەکنیکی و کارگێڕییەکانی تایبەت بە پرۆسەی دروستکردنی ناحیەکە هات، و بەگوێرەی ئەو لێکۆڵینەوە و داتایانەی کە فەرمانگەی گەشەپێدانی هەرێمی و خۆجێیی لە وەزارەتی پلاندانان ئامادەی کردووە و بە هەماهەنگی لەگەڵ حکومەتی خۆجێیی لە پارێزگای بابل،" تیشکیشی خستە سەر ئەوەی کە دروستکردنی ناحیەی ڕارنجیە، هەنگاوێکی گرنگە بەرەو بەهێزکردنی سەقامگیری کارگێڕی و گەشەپێدانی شوێنی، و پاڵپشتیکردنی یەکە کارگێڕییەکان بە شێوەیەک کە لەگەڵ ئاڕاستەکانی بەرنامەی وزاری ٢٠٢٦-٢٠٢٩ بگونجێت بۆ بەدیهێنانی گەشەپێدانێکی هاوسەنگ لە نێوان ناوچە جیاوازەکاندا