سەرۆکی ڕووسیا به‌ سەردانێکی فەرمی گەیشتە چین

نێودەوڵەتی – INA

ئەمڕۆ سێشەممە، ڤلادیمێر پۆتین سەرۆکی ڕووسیا، بۆ سەردانێکی فەرمی گەیشتە پەکینی پایتەختی چین.

میدیاکانی ڕووسیا ڕایانگەیاند: "ڤلادیمێر پۆتین سەرۆکی ڕووسیا بە هاوڕێیەتی شاندێکی باڵا، لەسەر بانگهێشتی شی جین بینگی هاوتا چینییەکەی، بۆ سەردانێکی فەرمی دوو ڕۆژە گەیشتە پەکینی پایتەختی چین."

ئەوەشیان خستەڕوو: "لە کاتی گەیشتنی پۆتین بۆ پەکینی پایتەخت، لەلایەن وانگ یی وەزیری دەرەوەی چینەوە پێشوازی لێکرا"، ڕووندەکەنەوە کە "تەوەری سەرەکیی سەردانەکە لە دەوری ئەو دیدارانە دەسووڕێتەوە کە بڕیارە سبەینێ لە نێوان هەردوو سەرۆکدا ئەنجام بدرێن؛ لە سەرەتادا کۆبوونەوەیەکی داخراوی دووقۆڵی (تنهایی) ساز دەکەن، و دوابەدوای ئەوە کۆبوونەوەیەکی بەرفراوان بە بەشداریی شاندی هەردوو وڵات بەڕێوەدەچێت"، ئاماژە بەوەش دەکەن کە "هەروەها بڕیارە هەردوو سەرکردە لە کاتەکانی ئێوارەدا دانیشتنێکی گفتوگۆی نافەرمی ئەنجام بدەن."

کۆشکی کرملین ڕایگەیاندووە: "ئەم شێوازە لە دیدارانە دەرفەت بە هەردوو سەرۆک دەبەخشێت بۆ تاوتوێکردنی گرنگترین پرسەکان، بە دۆسیە نێودەوڵەتییەکانیشەوە، لە کەشێکی دۆستانە و ڕاستەوخۆدا."