بەغداد- INA
ئەمڕۆ سێشەممە، عەممار مووسا کازم ئەمینداری بەغداد، جەختی لەسەر گرنگیی تەواوکردنی گەڕەکەکان لە چوارچێوەی پڕۆژەکانی پەرەپێدان و چارەسەرکردنی کۆسپە دارایی و تەکنیکییەکان کردەوە.
نووسینگەی ڕاگەیاندنی ئەمیندارێتیی بەغداد لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه : "عەممار مووسا کازم ئەمینداری بەغداد، بە شێوەیەکی مەیدانی بەسەرکردنەوەی بۆ کارەکانی قیرتاوکردنی شەقام و گەڕەکەکانی نیشتەجێبوون لە سنووری شارەوانیی مەنزوور ئەنجامدا، و لەگەڵ بەڕێوەبەری گشتیی شارەوانییەکەدا لە نزیکەوە ئاگاداری بەڕێوەچوونی کارەکان بوو لە گەڕەکەکانی (٦٠٦)، (٦٤١) و (٦٧٣)، کە لە چوارچێوەی هەڵمەتی قیرتاوکردنی ڕاگەیەندراو لەلایەن ئەمیندارێتیی بەغدادەوە جێبەجێ دەکرێن و بە شێوەیەکی خێرا و بە توانای خۆیی و بە پاڵپشتیی کارگەکانی ئەسفالتی سەر بە ئەمیندارێتییەکە بەڕێوەدەچن."
له راگهیندراوهكهدا هاتووە: "ئەمینداری بەغداد لە میانی بەسەرکردنەوەکەیدا، ئاگاداری دواین دەستکارییەکانی دروستکردنی یەکەمین شارەوانیی نموونەیی بوو لەسەر ئاستی ئەمیندارێتیی بەغداد کە فەرمانگەی شارەوانیی مەنزوورە، لەگەڵ بەسەرکردنەوەی میکانیزمەکانی گۆڕانکاریی ئەلیکترۆنی لە ڕاپەڕاندنی مامەڵەکان، پارەدانی ئەلیکترۆنی، دەرکردنی مۆڵەتەکان و مامەڵە تەرخانکراوەکانی خانووبەرە ، جیا لەوەی چاوی بە ژمارەیەک لە هاووڵاتیان کەوت و گوێی لە داواکارییەکانیان گرت و ڕێنمایی دا بە چارەسەرکردنی دەستبەجێیان."
بەپێی راگهیندراوهكه، ئەمینداری بەغداد جەختی لەسەر "گرنگیی تەواوکردنی گەڕەکەکان لە چوارچێوەی پڕۆژەکانی پەرەپێدان و چارەسەرکردنی کۆسپە دارایی و تەکنیکییەکان کردەوە، بە مەبەستی خستنەگەڕیان لە زووترین کاتدا."