بەغدا - INA
ئەمڕۆ دووشەممە، سەرۆکی ئەنجومەنی نوێنەران هەیبەت حەلبووسی و وەزیری دارایی فالح ساری، جەختیان لەسەر گرنگیی پشتبەستن بە دیدگایەکی دارایی کردەوە کە هاوکار بێت لە پاڵپشتیکردنی سەقامگیریی ئابووری و دابینکردنی پێداویستییەکانی قۆناغی داهاتوو.
نووسینگەی ڕاگەیاندنی سەرۆکی ئەنجومەنی نوێنەران، لە ڕاگەیەندراوێکدا کە بەدەست ئاژانسی هەواڵی عێراقی (INA) گەیشتووە، ڕایگەیاند: "سەرۆکی ئەنجومەنی نوێنەران هەیبەت حەلبووسی پێشوازی لە وەزیری دارایی فالح ساری کرد".
ڕاگەیەندراوەکە ئاماژەی بەوەشکرد کە "لە کاتی چاوپێکەوتنەکەدا، گفتوگۆ دەربارەی کارە لەپێشینەکانی قۆناغی داهاتوو و ڕێگاکانی بەهێزکردنی ئەدای دارایی و کارگێڕیی وەزارەتی دارایی کرا، لە پاڵ جەختکردنەوە لەسەر گرنگیی پشتبەستن بە دیدگایەکی دارایی کە هاوکار بێت لە پاڵپشتیکردنی سەقامگیریی ئابووری و دابینکردنی پێداویستییەکانی قۆناغی داهاتوو".