بەغداد – INA
ئەمڕۆ یەکشەممە ،فالح ساری، وەزیری دارایی، و عەممار سوبحی خەلەف،سەرۆکی دیوانی چاودێری دارایی فیدراڵی، بەهێزکردنی هاوکارییە هاوبەشەکانی نێوانیان تاوتوێ کرد.
وەزارەتی دارایی لە بەیاننامەیەکدا کە بۆ ئاژانسی هەواڵی عێراقی (INA) ناردوویەتی،تیایدا ڕایگەیاندوە: ئەمڕۆ یەکشەممە،فالح سارێ،وەزیری دارایی،پێشوازی لە ، عەممار سوبحی خەلەف،سەرۆکی دیوانی چاودێری دارایی فیدراڵی کرد.
وەک بەیاننامەکە ئاماژەی پێدا : سەرۆکی دیوان پیرۆزبایی لە وەزیر کرد بەبۆنەی دەستبەکاربوونی وەک وەزیری دارایی و بەدەستهێنانی متمانەی ئەنجومەنی نوێنەران، و هیوای سەرکەوتنی بۆ خواست لە ڕاپەڕاندنی ئەرکەکانیدا.
بەیاننامەکە ئەوەشی خستووەتەڕوو: لە دیدارەکەدا جەخت لەسەر گرنگیی پاڵپشتیکردنی بنەماکانی شەفافیەت و دیسپلینی دارایی کرایەوە، لەگەڵ بەهێزکردنی کاری هاوبەش لە بوارەکانی چاودێری،و وردبینی و پاراستنی ماڵی گشتی، بەشێوەیەک کە بەشدار بێت لە بەرزکردنەوەی ئەدای دارایی و کارگێڕی.