بەغداد – INA
ئەمڕۆ یەکشەممە، عەلی فالح زەیدی سەرۆکی ئەنجومەنی وەزیران و نووری کامل مالیکی، سەرۆکی هاوپەیمانی دەوڵەتی یاسا ، جەختیان لەسەر گرنگیی یەکخستنی هەڵوێست و دیدگاکان کردەوە بۆ پاڵپشتیکردن و پشتیوانیکردنی حکومەت.
نووسینگەی ڕاگەیاندنی سەرۆکی ئەنجومەنی وەزیران لە بەیاننامەیەکدا کە بۆ ئاژانسی هەواڵی عێراقی (INA) ناردوویەتی، تیایدا ڕایگەیاندووە: "عەلی فالح زەیدی، سەرۆکی ئەنجومەنی وەزیران، پێشوازی لە نووری کامل مالیکی کرد، سەرۆکی هاوپەیمانی دەوڵەتی یاسا کرد و تیایدا مالیکی پیرۆزبایی لە سەرۆک وەزیران کرد بەبۆنەی بەدەستهێنانی متمانەی ئەنجومەنی نوێنەران لەلایەن کابینە وزارییەکەیەوە.
بەگوێرەی بەیاننامەکە، لە دیدارەکەدا،کۆی بارودۆخی گشتیی وڵات، و گرنگیی یەکخستنی هەڵوێست و دیدگاکان بۆ پاڵپشتیکردنی حکومەت و سەرخستنی لە جێبەجێکردنی بەرنامە و پلانەکانیدا بۆ بەدیهێنانی ئامانجی ئابووری،و گەشەپێدان و خزمەتگوزارییەکان بە شێوازێک کە گەشەپێدانی گشتگیر بەدیبهێنێت، تاوتوێ کران.
هەر بەگوێرەی بەیاننامەکە : هەردوولا جەختیان لەسەر پێویستیی یەکخستنی هەوڵەکانی هێزە سیاسییە نیشتمانییەکان کردەوە بۆ تەواوکردنی پێکهاتەی حکومەت و بەهێزکردنی بۆ ڕاپەڕاندنی ڕۆڵی خۆی، لەپێناو تێپەڕاندنی تەحەددییەکانی ئێستا و دابینکردنی بەرژەوەندییەکانی عێراق و گەلەکەی.