بەغدا - INA
فالح ساری، وەزیری دارایی جەختی کردەوە کە وەزارەت کار دەکات بۆ دۆزینەوەی چارەسەری واقیعی بۆ قەیرانی دارایی بەبێ دەستبردن بۆ بژێویی هاووڵاتیان.
ساری لە ڕاگەیەندراوێکدا کە بۆ ئاژانسی هەواڵی عێراقی (INA) نێردراوە ڕایگەیاند: سوپاس و پێزانینی خۆم ئاراستەی ئەندامانی ئەنجومەنی نوێنەرانی عێراق دەکەم بۆ بەخشینی متمانە پێم، هەروەها سوپاسی سەرۆک وەزیران دەکەم بۆ پاڵپشتی و کاندیدکردنم بۆ ئەم ئەرکە نیشتمانییە.
وتیشی:
دڵنیایی دەدەمە ڕۆڵەکانی گەلە بەڕێزەکەمان کە وەزارەتی دارایی بە هەموو جیدییەت و بەرپرسیارێتییەکەوە و بە هەماهەنگییەکی باڵا لەگەڵ دامەزراوەکانی دەوڵەت کار دەکات؛ بۆ دۆزینەوەی چارەسەری دارایی و ئابووریی واقیعی کە هاوکار بێت لە تێپەڕاندنی قەیرانی دارایی، لەگەڵ پەرۆشیی تەواومان بۆ دەستنەبردن بۆ بژێویی هاووڵاتیان ، بە جۆرێک کە سەقامگیریی دارایی بەدی بهێنێت و مافی هەموو عێراقییەکان بپارێزێت