بەغداد – INA
فراکسیۆنی تەقەدومی پەرلەمانی، ئەمڕۆ چوارشەممە، کاندیدکردنی محەمەد نووری کەربولی و عەبدولکەریم عەبتان بۆ وەزارەتەکانی پیشەسازی و پەروەردە ڕاگەیاند.
فراکسیۆنی تەقەدوم لە بەیاننامەیەکدا کە بۆ ئاژانسی هەواڵی عێراقی ناردووە، دەڵێت: پیرۆزباییەکی گەرم ئاراستەی محەمەد نووری کەربولی دەکەن بەبۆنەی کاندیدکردنی بۆ پۆستی وەزیری پیشەسازی، و پیرۆزبایی لە شێخ عەبدولکەریم عەبتان دەکەن بەبۆنەی کاندیدکردنی بۆ پۆستی وەزیری پەروەردە، هیوای سەرکەوتن و لێهاتووییان بۆ دەخوازن لە ئەنجامدانی ئەرکەکانیاندا، بە شێوەیەک کە خزمەت بە وڵات بکات و پڕۆسەی بونیاتنان و گەشەپێدان بەهێزتر بکات.
جێی وەبیرهێنانەوەیە کە ئەنجومەنی نوێنەران ڕۆژی پێنجشەممەی (سبەینێ) وەک وادەی دەنگدان لەسەر کارنامەی وەزاری و کابینەی حکومەتی سەرۆک وەزیرانی ڕاسپێردراو، عەلی زەیدی دیاریکردووە.