بومەلەرزەیەک قەزای خانەقینی هەژاند

بەغداد – INA

دەستەی کەشناسی، ئەمڕۆ چوارشەممە، تۆمارکردنی بومەلەرزەیەکی بە گوڕی (3.9) پلە لە باکووری ڕۆژهەڵاتی قەزای خانەقین ڕاگەیاند.

وەزارەتی گواستنەوە لە بەیاننامەیەکدا کە بۆ ئاژانسی هەواڵی عێراقی ناردووە، دەڵێت: "ڕوانگە بوومەلەرزەزانییەکانمان بومەلەرزەیەکیان تۆمارکردووە کە گوڕەکەی گەیشتووەتە (3.9) پلە، بەیانی ئەمڕۆ لە کاتژمێر 07:56:27".

ئاماژەی بەوەشکرد: "بومەلەرزەکە ٢٠ کم لە باکووری ڕۆژهەڵاتی قەزای خانەقین لە پارێزگای دیالەوە دوور بووە، و لەلایەن ئەو هاوڵاتییانەی لە نزیک شوێنی ڕووداوەکە نیشتەجێن، بە شێوەیەکی سووک هەستی پێکراوە".