نێودەوڵەتی – INA
پیت هیگسێت، وەزیری جەنگی ئەمریکا، ئەمڕۆ سێشەممە دووپاتی کردەوە کە ڕێککەوتنی ئاگربەست لەگەڵ ئێران هێشتا کارایە و بەردەوامە.
هیگسێت لە دانیشتنێکی لێپرسینەوە لە کۆنگرێس ڕایگەیاند: "ڕێککەوتنی ئاگربەست لەگەڵ ئێران هێشتا لەسەر پێی خۆیەتی و بەردەوامە."
هەروەها وتیشی: "دەتوانین لە هەر کاتێکدا دەست بە 'پڕۆژەی ئازادی' بکەینەوە، ئەگەر سەرۆک دۆناڵد ترامپ داوامان لێ بکات."
لە کۆتاییدا ئاماژەی بەوە کرد: "هەموو جۆرە تەقەمەنییەکی پێویستمان بۆ جێبەجێکردنی ئەرکەکانمان لەبەردەستە و کار بۆ زیادکردنی بڕەکەشی دەکەین."