نێودەوڵەتی – INA
ئەمینداری گشتیی حیزبوڵڵا، شێخ نعیم قاسم، ئەمڕۆ سێشەممە جەختی کردەوە کە حیزبەکە ملکەچ نابێت و خۆی بەدەستەوە نادات، و بەردەوام دەبێت لە بەرگریکردن لە لوبنان هەرچەندە قوربانییەکان گەورە بن.
شێخ نعیم قاسم لەراگەیندراوەكەدا كه دهستی ئاژانسی هەواڵی عێراقی(INA) كهوتووه تێیدا رایگهیاند: "ملکەچ نابین و خۆمان بەدەستەوە نادەین، و بەردەوام دەبین لە بەرگریکردن لە لوبنان و گەلەکەی، هەرچەندە کات بخایەنێت و قوربانییەکان گەورە بن، کە ئەوانە کەمترن لە باجی خۆبەدەستەوەدان."
ڕوونیشی کردەوە: "ڕووبەڕووی دەستدرێژییەکی (ئیسرائیلی) ئەمریکی دەبینەوە کە دەیەوێت لوبنان ملکەچ بکات تاوەکو ببێتە بەشێک لە (ئیسرائیلی گەورە)."
ئاماژەی بەوەش کرد کە "ڕێککەوتنی ئێرانی - ئەمریکی کە ڕاگرتنی دەستدرێژی بۆ سەر لوبنان لەخۆدەگرێت، نزیکە لەوەی ببێتە بەهێزترین کارت بۆ ڕاگرتنی هێرشەکان،" ئاماژەی بەوەش کرد کە "بەرپرسیارێتی دانوستان بۆ بەدیهێنانی ئامانجە سەروەرییەکانی لوبنان، هەر لە ئەستۆی دەسەڵاتی لوبناندایە."
هەروەها وتی: "داوای کشانەوە دەکەین لە دانوستانی ڕاستەوخۆ کە دەبێتە هۆی قازانجی تەواو بۆ (ئیسرائیل) و سازشی بێبەرامبەر لەلایەن دەسەڵاتی لوبنانییەوە،" تیشکی خستە سەر ئەوەی کە "هیچ کەسێک لە دەرەوەی لوبنان پەیوەندی بە چەک و بەرگری و ڕێکخستنی کاروباری ناوخۆیی دەوڵەتی لوبنانەوە نییە."
لە کۆتاییدا وتی: "تەواوی بەرگریمان بۆ ڕاگرتنی دەستدرێژی و پەکخستنی ئامانجەکانیەتی، و مەیدانی ڕووبەڕووبوونەوە جێناهێڵین."