بەدواداچوون - INA
ئەمڕۆ دووشەممە، سەرۆکی ئەمریکا دۆناڵد ترامپ، ڕەتکردنەوەی پێشنیازەکەی ئێرانی ڕاگەیاند، لە هەمان کاتدا ئاماژەی بەوە کرد کە چارەسەری دیپلۆماسی لەگەڵ ئێران زۆر ئەگەرێکی کراوەیە.
ترامپ لە کۆنگرەیەکی ڕۆژنامەوانیدا کە ئاژانسی هەواڵی عێراقی (INA) بەدواداچوونی بۆ کردووە، ڕایگەیاند: "پلانەکەی من زۆر سادەیە، ئەویش ئەوەیە کە ئێران ناتوانێت ببێتە خاوەنی چەکی ئەتۆمی"، ئاماژەی بەوەش کرد "پلانی گەمارۆدانی ئێران پلانێکی سەربازی بلیمەتانە بوو، هەروەک چۆن پلانی ڤەنزوێلا وابوو".
وتیشی: "هیچ فشارێک یان بێزارییەک سەبارەت بە ئێران هەست پێناکەم و سەرکەوتنێکی سەربازی گەورەمان بەدەستهێناوە و زیاتریش بەدەستدەهێنین"، ئاماژەی بەوەش کرد "بەردەوام دەبین لەو گەمارۆیەی خراوەتە سەر ئێران".
باسی لەوەش کرد: "ئێرانییەکان پێشنیازێکی بێمانایان پێشکەش کردووە کە ناتوانین قبوڵی بکەین"، جەختیشی کردەوە کە "ڕێککەوتنی ڕاگرتنی تەقە لەگەڵ ئێران زۆر لاوازە".
ئاماژەی بەوەش کرد: "چارەسەری دیپلۆماسی لەگەڵ ئێران زۆر ئەگەرێکی کراوەیە و مومکینە".