بەغدا – INA
ئەمڕۆ دووشەممە، سەرۆکی تۆڕی ڕاگەیاندنی عێراقی کەریم حەمادی، ئامادەیی تۆڕی ڕاگەیاندنی عێراقی بۆ پاڵپشتیکردنی بەرنامەکانی دەستەی دەسپاکی لە بەرەنگاربوونەوەی گەندەڵی و بەرزکردنەوەی هۆشیاری کۆمەڵگە پشتڕاستکردەوە.
ئەمە لە کاتی سەردانێکی حەمادی بۆ بارەگای دەستەی دەسپاکی هات، کە تێیدا لەگەڵ سەرۆکی دەستەی دەسپاکی فیدراڵی محەمەد عەلی لامی گفتوگۆی کرد دەربارەی ڕێگاکانی بەهێزکردنی هاوکاری و هاوبەشی نێوان هەردوو دامەزراوەکە، و پاڵپشتیکردنی بەرنامەکانی هۆشیارکردنەوە و ڕۆشنبیری تایبەت بە چەسپاندنی کولتوری دەسپاکی و خۆپاراستن لە گەندەڵی.
هەردوولا گفتوگۆیان کرد دەربارەی بەهێزکردنی کولتوری دەسپاکی لای هاوڵاتیان و فەرمانبەران، و کارکردن بۆ ڕاگەیاندنی بەرنامەی میدیایی و ڕۆشنبیری هاوبەش کە بەشدار بن لە چەسپاندنی چەمکەکانی شەفافیەت و لێپرسینەوە و بەرەنگاربوونەوەی گەندەڵی.
حەمادی ئامادەیی تۆڕی ڕاگەیاندنی عێراقی بۆ پاڵپشتیکردنی بەرنامەکانی دەستەی دەسپاکی و تیشک خستنە سەر چالاکییە هۆشیارییەکانی پشتڕاستکردەوە، بە جۆرێک کە هۆشیاری کۆمەڵگە بەرامبەر بە گرنگی بەرەنگاربوونەوەی گەندەڵی و چەسپاندنی بەهاکانی دەسپاکی لە دامەزراوەکانی دەوڵەتدا بەهێز بکات.
لای خۆیەوە، سەرۆکی دەستەی دەسپاکی محەمەد لامی پێشوازی لە سەردانی سەرۆکی تۆڕی ڕاگەیاندنی عێراقی کرد و ستایشی ڕۆڵی تۆڕەکەی کرد لە پاڵپشتیکردنی کارەکانی دەستەکە و بەرنامەکانی، جەختیشی لەسەر گرنگی هاوکاری لەگەڵ دامەزراوە میدیاییە نیشتمانییەکان کردەوە لە بڵاوکردنەوەی کولتوری خۆپاراستن لە گەندەڵی و بەهێزکردنی متمانەی هاوڵاتیان بە دامەزراوە فەرمییەکان.