بەغدا – INA
ئەمڕۆ دووشەممە، دەستەی کەشناسی، وردەکاریی دۆخی کەشوهەوای وڵاتی بۆ ڕۆژانی داهاتوو ڕاگەیاند، هاوکات پێشبینی بارانبارین و بەرزبوونەوەی تۆز و خۆڵ و دابەزینی پلەکانی گەرمای کرد.
لە ڕاگەیەندراوێکی دەستەکەدا کە دەستی ئاژانسی هەواڵی عێراقی (INA) کەوتووە، هاتووە: "سبەی سێشەممە کەشوهەوا لە ناوچەکانی باکوور و ناوەڕاست نیمچە هەور بۆ هەوری تەواو دەبێت، لەگەڵ هەبوونی هەلی تاوەبارانی سووک بۆ مامناوەند کە هەندێکجار هەورەبرووسکەی لەگەڵدا دەبێت لە شوێنی جیاجیای ئەو ناوچانەدا، و لە ناوچەی باشوور نیمچە هەور دەبێت. با گۆڕاو دەبێت و خێراییەکەی کەمە، پاشان وردە وردە دەگۆڕێت بۆ باکووری ڕۆژئاوا بە خێراییەکی مامناوەند (20-30) کم/ک و لە هەندێک کاتدا لە هەندێک ناوچەی ناوەڕاست و باشوور چالاک دەبێت بۆ (40) کم/ک کە دەبێتە هۆی بەرزبوونەوەی تۆز و خۆڵێکی سووک. پلەکانی گەرما لە تەواوی وڵاتدا نزیک دەبن لەوەی ڕۆژی پێشوو تۆمارکراون، و مەودای بینین (5-7) کم دەبێت."
ڕاگەیەندراوەکە ئاماژەی بەوەش کردووە، "بەرزترین پلەکانی گەرمای پێشبینیکراو بۆ سبەی سێشەممە لە پارێزگاکانی عێراق بەم شێوەیە دەبن: دهۆک 29، سلێمانی 30، هەولێر 31، نەینەوا 33، کەرکووک 34، سەڵاحەددین و ئەنبار 37، دیالە 39، بەغدا و بابل و واست 40، کەربەلای پیرۆز و نەجەفی ئەشرەف 41، میسان و دیوانییە 42، زیقار و موسەننا و بەسرا 43."
ئاماژەی بەوەشکرد: "ڕۆژی چوارشەممە، کەشوهەوا لە زۆربەی شارەکانی وڵاتدا ساماڵ دەبێت لەگەڵ هەندێک پەڵە هەور، با باکووری ڕۆژئاوا دەبێت بە خێراییەکی کەم بۆ مامناوەند و لە ناوچەکانی ناوەڕاست و باشوور چالاک دەبێت کە دەبێتە هۆی تۆز و خۆڵێکی خۆجێیی سووک. پلەکانی گەرما لە تەواوی وڵاتدا هاوشێوەی ڕۆژی پێشوو دەبن، مەودای بینین (6-8) کم دەبێت و لە کاتی تۆز و خۆڵدا (3-5) کم دەبێت."
ئەوەش خراوەتە ڕوو: "دۆخی کەشوهەوای پێشبینیکراو بۆ ڕۆژی پێنجشەممە؛ کەشوهەوا لە ناوچەکانی ناوەڕاست و باکوور نیمچە هەور بۆ هەوری تەواو دەبێت، و لە ناوچەی باشوور ساماڵ دەبێت لەگەڵ هەندێک پەڵە هەور. پلەکانی گەرما لە ناوچەکانی ناوەڕاست و باکوور دادەبەزن و لە ناوچەی باشوور هاوشێوەی ڕۆژی پێشوو دەبن."
ڕاگەیەندراوەکە ئاماژەی بەوەش کردووە: "ڕۆژی هەینی کەشوهەوا لە هەموو شارەکانی وڵاتدا نیمچە هەور و هەندێکجار هەوری تەواو دەبێت، لەگەڵ هەلی تاوەبارانی پچڕپچڕ لە هەندێک شوێنی ناوچەکانی ناوەڕاست و باکوور. با باکووری ڕۆژئاوا دەبێت بە خێراییەکی کەم بۆ مامناوەند و لە زۆربەی شارەکاندا چالاک دەبێت کە دەبێتە هۆی بەرزبوونەوەی تۆز و خۆڵێکی خۆجێیی مامناوەند بەتایبەت لە ناوچەکانی ناوەڕاست و باشوور. پلەکانی گەرما لە ناوچەکانی ناوەڕاست و باکوور دادەبەزن و لە ناوچەی باشوور جێگیر دەبن، مەودای بینین (6-8) کم دەبێت و لە کاتی تۆز و خۆڵدا (2-4) کم دەبێت."