بەغداد - INA
وەزارەتی سەرچاوە ئاوییەکان، ئەمڕۆ چوارشەممە، ڕایگەیاند: بەڕێوەبەری سەرچاوە ئاوییەکانی بابل لە کاتی لادانی حەوزی ماسی نایاسایی و سەرپێچیکار ڕووبەڕووی هێرش بووەتەوە.
وەزارەتەکە لە بەیاننامەیەکدا کە بۆ ئاژانسی هەواڵی عێراقی ناردووە، دەڵێت: "بەڕێوەبەری سەرچاوە ئاوییەکان لە پارێزگای بابل موسەنا وەتیفی، ئەمڕۆ ڕووبەڕووی هێرش بووەوە لەلایەن سەرپێچیکاران و کەسانی یاساشکێن، ئەوەش لە کاتی ئەنجامدانی ئەرکێکی فەرمیدا بۆ لادانی حەوزە ماسییە نایاساییەکان، پاڵپشت بە ڕێنماییەکانی وەزیری سەرچاوە ئاوییەکان."
ئاماژەی بەوەشکرد: "ئەم هێرشە دەستدرێژییەکی ئاشکرایە بۆ سەر شکۆی دەوڵەت و دامەزراوەکانی،" و جەختیکردەوە: لەسەر "پێویستی گرتنەبەری ڕێکاری یاسایی توند بەرامبەر هەر کەسێک کە هەوڵی پەکخستنی کارەکانی فەرمانگە حکومییەکان بدات یان دەستدرێژی بکاتە سەر کادرەکانیان لە کاتی ئەنجامدانی ئەرکەکانیاندا."
وەزارەتەکە ستایشی "ڕۆڵی گەورەی دادوەریی عێراقی دادپەروەر"ی کرد و سوپاس و پێزانینی ئاراستەی هێزە ئەمنییەکان کرد بۆ وەڵامدانەوەی خێرا و پیشەییبوونی بەرزیان لە مامەڵەکردن لەگەڵ ڕووداوەکەدا.
هەروەها ئاماژەی بەوەکرد: "فەرمانی دەستگیرکردن بۆ سەرپێچیکاران دەرچووە، بەمەبەستی ڕادەستکردنیان بە دادگا تاوەکو سزای دادپەروەرانەی خۆیان وەربگرن."