بەغداد – INA
ئەنجومەنی نوێنەران دانیشتنی ئەمڕۆ چوارشەممەی هەڵگرت بۆ هەفتەی داهاتوو.
فەرمانگەی ڕاگەیاندنی ئەنجومەنەکە لە بەیاننامەیەکدا کە بۆ ئاژانسی هەواڵی عێراقی ناردووە، دەڵێت: "ئەنجومەنی نوێنەران دانیشتنەکەی هەڵگرت بۆ هەفتەی داهاتوو."
هەروەها ڕایگەیاندووە: "ئەنجومەن خوێندنەوەی یەکەمی بۆ پێشنیازی یاسای تەندروستی دەروونی کۆتایی پێهێنا، لە کاتێکدا خوێندنەوەی یەکەمی بۆ پێشنیازی یاسای هەموارکردنی یەکەمی یاسای کاری ژمارە (٢٧)ی ساڵی ٢٠١٥ دواخست."
ئاماژەی بەوەشکرد: "ئەنجومەن خوێندنەوەی یەکەمی بۆ پێشنیازی یاسای زانکۆی عێراق بۆ زانستە ئەمنییەکان کۆتایی پێهێنا."
فەرمانگەی ڕاگەیاندنی ئەنجومەنەکە پێشتر ئاماژەی بەوە کردبوو: کە "سەرۆکی ئەنجومەنی نوێنەران، هەیبەت حەلبووسی، کارەکانی دانیشتنی ژمارە (٢٣)ی خولی شەشەمی هەڵبژاردن، ساڵی یاسادانانی یەکەم، وەرزی یاسادانانی یەکەمی کردەوە."