بەغداد - INA
سەرۆک وەزیران محەمەد شیاع سودانی، ئەمڕۆ سێشەممە، جەختی کردەوە کە ئەو ڕاسپاردانەی دوێنێ لەلایەن ئەنجومەنی وەزاری بۆ ئابووری پەسەند کراون، لە ئەنجومەنی وەزیرانیش پەسەند دەکرێن بۆ دڵنیابوونەوە لەوەی هەموو جوتیاران شایستە داراییەکانیان وەربگرن.
نووسینگەی ڕاگەیاندنی سەرۆک وەزیران لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه: "سەرۆک وەزیران محەمەد شیاع سودانی، پێشوازی لە سەرۆکی یەکێتیی گشتیی کۆمەڵە هەرەوەزییەکانی جوتیاران کرد، بە ئامادەبوونی بریکاری تەکنیکی وەزارەتی کشتوکاڵ."
له راگهنیندراوهكهدا ئاماژەی بەوەش كراوهكه "سەرۆک وەزیران باسی لەو ڕاسپاردانە کرد کە دوێنێ لەلایەن ئەنجومەنی وەزاری بۆ ئابووری پەسەند کراون و بڕیارە لە ئەنجومەنی وەزیران دەنگیان لەسەر بدرێت، بە مەبەستی دەستەبەرکردنی شایستە داراییەکانی هەموو جوتیاران. جەختیشی کردەوە حکومەت پەرۆش بووە بۆ بەردەوامبوونی پاڵپشتی کەرتی کشتوکاڵ لە ڕێگەی زنجیرەیەک ڕێکارەوە، کە گرنگترینیان هێشتنەوەی نرخی بەرهەمی گەنمی عێراقییە بە بەرزی و بە جیاوازییەکی زۆر لە چاو نرخی بازاڕی جیهانی، بەهۆی ئەو کاریگەرییە گەورەیەی هەیەتی لەسەر پاڵپشتیکردنی جوتیاران و بەهێزکردنی خولی ئابووری نیشتمانی."
بەگوێرەی راگهیندراوهكه، هەروەها سودانی جەختی لە "پێزانینی خۆی بۆ چینی جوتیاران کردەوە و ڕایگەیاند کە لێپرسینەوە لەگەڵ هەر لایەنێک دەکرێت کە سوکایەتی بە شکۆ و بەهای ئەوان کردبێت لە کاتی خۆپیشاندانەکانی دوو ڕۆژی ڕابردوودا،" و ئاماژەی بەوە کرد کە "ئەوەی ڕوویداوە گوزارشت لە ئاراستەی دامەزراوە فەرمی و ئەمنییەکان ناکات بەرامبەر جوتیاران و چین و توێژەکانی تری هاوڵاتییان."
لە کۆتاییدا هاتووە کە "لە دیدارەکەدا تیشک خرایە سەر ئەو ڕۆڵە بەرهەمهێنەرەی کە کۆمەڵە جوتیارییەکان شانبەشانی دامەزراوەکانی دەوڵەت دەیگێڕن لە ڕێکخستن و پەرەپێدانی کارەکان لە کەرتی کشتوکاڵیدا."