بەغدا – INA
سەرۆکی ئەنجومەنی نوێنەران هەیبەت حەلبووسی و سەرۆکی هەرێمی کوردستان نێچیرڤان بارزانی، جەختیان لە گرنگیی ئەوە کردەوە کە کارنامەی حکومەت بەرنامەیەک بێت وەڵامدەرەوەی پێداویستییەکانی ئەم قۆناغە بێت.
نووسینگەی ڕاگەیاندنی سەرۆکی ئەنجومەنی نوێنەران لە ڕاگەیاندراوێکدا کە دەست ئاژانسی هەواڵی عێراقی (INA) کەوتووە، ڕایگەیاند: "سەرۆکی ئەنجومەنی نوێنەران هەیبەت حەلبووسی، ئەمڕۆ دووشەممە پێشوازی لە شاندی پارتی دیموکراتی کوردستان کرد بە سەرۆکایەتی سەرۆکی هەرێمی کوردستان نێچیرڤان بارزانی، و بە ئامادەبوونی ژمارەیەک لە سەرکردە و پەرلەمانتارانی پارتی تەقەدوم."
ئەوەشی خستە ڕوو: "لە دیدارەکەدا باس لە کۆی بارودۆخی وڵات و ئەو گفتوگۆیانە کرا کە پەیوەستن بە ڕێڕەوی پێکهێنانی حکومەتی نوێ، و جەخت کرایەوە لەسەر گرنگیی ئەوەی کە کارنامەی حکومەت بەرنامەیەک بێت وەڵامدەرەوەی پێداویستییەکانی ئەم قۆناغە و تەحەدییەکانی بێت."