بەغدا – INA
ئەمڕۆ دووشەممە، وەزارەتی پەروەردە، جەختی کردەوە کە هیچ بڕیارێک بۆ "داخلبوونى گشتى" نییە جگە لە قۆناغی شەشەمی سەرەتایی، هاوکات ئاماژەی بە بەردەوامیی ئامادەکارییەکان کرد بۆ ئەنجامدانی تاقیکردنەوەکانی شەشەمی سەرەتایی و سێیەمی ناوەندی لە 12 و 20ی ئایاردا.
کەریم سەید، وتەبێژی وەزارەتی پەروەردە بە ئاژانسی هەواڵی عێراقی (INA)ی ڕاگەیاند: "وەزارەت لە ڕێگەی چەند ئامادەکارییەکەوە خۆی بۆ تاقیکردنەوە وزارییەکان ئامادە دەکات، لەوانە ئامادەکردنی هۆڵەکان و ڕێککەوتن لەگەڵ وەزارەتی کارەبا بۆ بێبەشکردنی هۆڵەکان لە بڕینی کارەبای بەرنامەبۆداڕێژراو."
گوتیشی: "لیژنەیەکی هاوبەش لەگەڵ لایەنە ئەمنییەکان و خزمەتگوزارییەکان هەیە بۆ پاراستنی پرۆسەی تاقیکردنەوەکان، و پرۆسەی ئامادەکاریش بە بەدواداچوونی ئەحمەد ئەسەدی، وەزیری پەروەردە بەوەکالەت بەڕێوەدەچێت."
سەبارەت بە "داخلبوونى گشتى"، سەید دووپاتی کردەوە کە "تا ئێستا هیچ داخلبوونێکی گشتی نییە جگە لە شەشەمی سەرەتایی."
ئاماژەی بەوەش کرد کە "تاقیکردنەوەکانی شەشەمی سەرەتایی لە 12ی ئەم مانگە (ئایار) دەستپێدەکەن، تاقیکردنەوەکانی سێیەمی ناوەندیش لە 20ی ئایار دەستپێدەکەن، بە شێوەیەک کە ڕۆژێک تاقیکردنەوە و ڕۆژێک پشوو دەبێت."
هەروەها گوتی: "تاقیکردنەوەکانی شەشەمی ئامادەیی لە 13ی حوزەیرانی داهاتوو دەستپێدەکەن،" و جەختیشی لە سەرکەوتنی پرۆسەی تاقیکردنەوەکانی پۆلە ناکۆتاکان کردەوە کە ئەمڕۆ کۆتایییان هات.