بەغدا - INA
ئەمڕۆ شەممە عەلی فالح زەیدی سەرۆك وەزیرانی ڕاسپێردراو لەگەڵ بافڵ تاڵەبانی سەرۆكی یەكێتی نیشتمانی كوردستان كۆبووەوە و هەوڵەكانی بۆ پێكهێنانی حكومەتی نوێ تاوتوێ كرد.
نووسینگەی ڕاگەیاندنی سەرۆكی ئەنجومەنی وەزیران لە بەیاننامەیەكدا كە بە ئاژانسی هەواڵی عێراقی (INA) گەیشتووە : عەلی فالح زەیدی سەرۆك وەزیرانی ڕاسپێردراو لەگەڵ بافڵ تاڵەبانی، سەرۆكی یەكێتی نیشتمانی كوردستان لە میانی سەردانەكەیدا بۆ شاری سلێمانی كۆبووەوە.
ئاماژە بەوەشكراوە : لە كۆبوونەوەكەدا باس لە دوایین پێشهاتەكانی وڵات و هەوڵەكان بۆ پێكهێنانی حكومەتی نوێ كرا، جەختكرایەوە لەسەر پێویستی كاركردن وەك تیمێكی یەكگرتوو لەسەر بنەمای دیدێكی هاوبەش بۆ ڕووبەڕووبوونەوەی ئاستەنگەكان و چەسپاندنی سەقامگیری، بە شێوەیەك كە پێداویستی و بەرژەوەندییەكانی هەموو گەلی عێراق دابین بكات.