بەغداد – INA
سەرۆک وەزیرانی ڕاسپێردراو عەلی فالح زەیدی، ئەمڕۆ چوارشەممە، لەگەڵ مەنسوور بن زاید ئال نەهیان، جێگری سەرۆکی دەوڵەتی ئیماراتی عەرەبی یەکگرتوو، پەیوەندییە دووقۆڵییەکان و ڕێگاکانی بەهێزکردن و گەشەپێدانیانی لە هەموو بوارەکاندا تاوتوێ کرد.
نووسینگەی ڕاگەیاندنی سەرۆک وەزیران لە بەیاننامەیەکدا کە بۆ ئاژانسی هەواڵی عێراقی ناردووە، دەڵێت: "سەرۆک وەزیرانی ڕاسپێردراو عەلی فالح زەیدی، ئەمڕۆ چوارشەممە، پەیوەندییەکی تەلەفۆنی لە مەنسوور بن زاید ئال نەهیان، جێگری سەرۆکی دەوڵەتی ئیماراتی عەرەبی یەکگرتووەوە پێگەیشت، کە تێیدا پیرۆزبایی لێکرد بەبۆنەی ڕاسپاردنی بە شێوەیەکی فەرمی بۆ پێکهێنانی حکومەتی نوێ."
هەروەها زیادی کرد: "لە میانی پەیوەندییەکەدا، باس لە پەیوەندییە دووقۆڵییەکان و ڕێگاکانی بەهێزکردن و گەشەپێدانیان لە هەموو بوارەکاندا کرا، بە جۆرێک کە لە بەرژەوەندی هەردوو گەل و هەردوو وڵاتی برادا بێت."