بەغداد - INA
ئەحمەد ئەبو غەیت ئەمینداری گشتیی کۆمکاری وڵاتانی عەرەبی، ئەمڕۆ چوارشەممە پێشوازی لە ڕاسپاردنی عەلی زەیدی کرد بۆ پێکهێنانی حکومەتی نوێ و هیوای سەرکەوتنی بۆ خواست.
ئەبو غەیت لە پۆستێکدا لە سەکۆی (ئێکس) کە ئاژانسی هەواڵی عێراقی بەدواداچوونی بۆ کردووە، ڕایگەیاند: "هیوای هەموو سەرکەوتنێک بۆ عەلی زەیدی، سەرۆک وەزیرانی ڕاسپێردراوی عێراق دەخوازم لە پێکهێنانی حکومەتی نوێی عێراق، بەو شێوەیەی کە ویست و داخوازییەکانی گەلی عێراق لە بەدیهێنانی ئاسایش و خۆشگوزەرانی و گەشەسەندندا بەدی بهێنێت."