بەغدا - INA
لیژنەی دارایی لە ئەنجومەنی نوێنەران، ئەمڕۆ سێشەممە، پرسیارێکی ئاراستەی پارێزگاری بانکی ناوەندی کرد سەبارەت بە هۆکاری دواکەوتنی دەستپێکردنی ناردنی حەواڵە دەرەکییەکان.
حسێن موئنس، ئەندامی لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه "پرسیارێک ئاراستەی پارێزگاری بانکی ناوەندی عێراق کراوە سەبارەت بە دواکەوتنی دەستپێکردنی حەواڵەکان بە دراوە بیانییەکان (جگە لە دۆلار) بۆ بانکە عێراقییەکان، سەرەڕای تەواوکردنی پێداویستییەکانی قۆناغی یەکەمی ئەو چاکسازییانەی کە کۆمپانیای 'ئۆلیڤەر وایمان' جێبەجێیان دەکات".
موئنس وتیشی: "ئەو بارودۆخەی ئێستا ناوچەکە و عێراق پێیدا تێدەپەڕێت و ئەو ئاستەنگانەی هاوپێچی بازرگانی نێودەوڵەتین، پێویستییان بە دابینکردنی پاڵپشتییەکی زیاتر هەیە بۆ بازاڕی عێراقی لە ڕێگەی ئاسانکاری دارایی و متمانەیی کە بەشداربن لە سەقامگیری چالاکییە بازرگانییەکان"، داواشی کرد "هۆکارەکانی دواکەوتنی ئەو حەواڵانە ڕوونبکرێنەوە و وادەیەکی فەرمی بۆ دەستپێکردنیان دیاری بکرێت؛ چونکە گرنگییەکی زۆریان هەیە لە پاڵپشتیکردنی بزووتنەوەی هاوردەکردن و ئاڵوگۆڕی بازرگانیدا".
موئنس جەختی کردەوە لەسەر "پێویستی وەڵامدانەوەی ئەم پرسیارە پەرلەمانییە لە ماوەیەکدا کە لە ١٥ ڕۆژ تێپەڕ نەکات، ئەمەش پاڵپشت بە بڕگەکانی ماددەی (١٥) لە یاسای ئەنجومەنی نوێنەران و پێکهاتەکانی".