بەغدا - INA
ئەمڕۆ شەممە بەڕێوەبەرایەتی كاروباری ماددە هۆشبەرەكان و كاریگەرە هزرییەكان لە وەزارەتی ناوخۆ، هەڵوەشاندنەوەی تۆڕە ناوخۆییەكان و دەستبەسەرداگرتنی 3.5 كیلۆگرام مادەی كریستاڵ لە دوو ئۆپراسیۆنی جیادا لە پارێزگاكانی بابل و بەسرە ڕاگەیاند.
لە بەیاننامەیەكدا كە بە ئاژانسی هەواڵی عێراقی (INA) گەیشتووە و بەڕێوەبەرایەتییەكە ڕایگەیاندووە : لە ڕێگەی هەوڵی هەواڵگریی ناوازە و لە دوو ئۆپەراسیۆنی جیادا، بەڕێوەبەرایەتی كاروباری ماددە هۆشبەرەكان و ماددە دەروونییەكان لە پارێزگاكانی بابل و بەسرە توانی دوو تۆڕی ناوخۆیی بازرگانیكردن بە ماددە هۆشبەرەكان هەڵبوەشێنێتەوە و دەست بەسەر سێ كیلۆ و نیودا بگرێت لە جۆری كریستاڵ.
ئاماژە بەوەشكراوە : چوار تۆمەتبار بە هەڵگرتنی چەكی ئاگرینی جۆراوجۆر دەستگیركراون و ڕەوانەی دەسەڵاتی دادوەری كراون بۆ وەرگرتنی سزای دادپەروەرانەی خۆیان.