بەغداد - INA
ئێوارەی پاڵەوانێتیی یانە و دامەزراوەکانی عێراق بۆ یارییەکانی گۆڕەپان و مەیدان لە بەغدادی پایتەخت کۆتایی پێهات.
یەکێتیی گۆڕەپان و مەیدان لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه : "ئێوارەی رۆژی ههینی پاڵەوانێتیی یانە و دامەزراوەکانی عێراق بۆ یارییەکانی گۆڕەپان و مەیدان لە بەغدادی پایتەخت کۆتایی هات، بە بەشدارییەکی فراوان لە هەموو تەمەنەکان و بۆ هەردوو ڕەگەز، کە ڕکابەرییەکانی بۆ ماوەی سێ ڕۆژی بەردەوام لەسەر یاریگای کۆلێژی پەروەردەی جەستەیی و زانستە وەرزشییەکانی زانکۆی بەغداد بەڕێوەچوو."
هەروەها ڕاگەیەندراوەکە ئاماژەی بەوەدا کە "ئەنجامی ڕکابەرییەکانی کچانی تازەپێگەیشتوو، بووە هۆی بەدەستهێنانی پلەی یەکەم بۆ یانەی سەلام، پلەی دووەم بۆ کوفە و پلەی سێیەم بۆ ئەرمەنی. لە فێرەی کچانی لاودا، تیپی گازی باکوور پلەی یەکەم، نەوتی باکوور پلەی دووەم و تەڵەبە پلەی سێیەمیان بەدەستهێنا. بۆ فێرەی خانمانیش، تیپی کچانی نەینەوا بوونە یەکەم، یانەی پێشمەرگە دووەم و نەوتی باکوور پلەی سێیەمیان بەدەستهێنا."
لە درێژەی ڕاگەیەندراوەکەدا هاتووە: "لە ڕکابەرییەکانی کوڕانی تازەپێگەیشتوودا، حللە پلەی یەکەم، شورتە دووەم و عەفەک پلەی سێیەمیان بەدەستهێنا. بۆ فێرەی لاوانیش، پاڵاوگەی باکوور بوونە یەکەم، یانەی حللە دووەم و یانەی خان بەنی سەعد سێیەم بوون. لە ڕکابەرییەکانی پیاوانیشدا، یانەی جەیش پلەی یەکەم، یانەی حەشدی شەعبی پلەی دووەم و یانەی فتووەی موسڵاوی پلەی سێیەمیان بەدەستهێنا."
تۆمارکردنی سێ ژمارەی پێوانەیی نوێی عێراقی
یەکێتییەکە ڕوونی کردەوە کە "پاڵەوانێتییەکە بەدەستهێنانی سێ ژمارەی پێوانەیی نوێی عێراقی بەخۆوە بینی؛ لە یەکەم ڕۆژدا، یاریزان مەیس نیهاد ژمارەی پێوانەیی عێراقی لە بازدانی بە جەمسەر (Pole Vault) بۆ کچانی تازەپێگەیشتوو شکاند بە بەرزی (2.30) مەتر. لە ڕۆژی دووەمدا دوو ژمارەی پێوانەیی نوێ تۆمارکران، کە یاریزانی یانەی نەوتی باکوور بنت الهدی ئیبراهیم ژمارەی پێوانەیی عێراقی بۆ فڕێدانی دیسک بە مەودای (43.12) مەتر شکاند، کە پێشتر بەناوی یاریزان ئافاق غازییەوە بوو."
ئاماژەشی بەوە کرد کە "ڕکابەرییەکانی فڕێدانی قورسایی (Shot Put)یش ژمارەیەکی پێوانەیی نوێی عێراقی بەخۆوە بینی لەلایەن یاریزانی یانەی کچانی نەینەوا هۆنیا بەختیار بە مەودای (12.60) مەتر، کە ژمارەی پێشووی بەناوی یاریزان ڕائید عەودەوە بوو شکاند."