بەغداد - INA
سەرۆکی ئەنجومەنی نوێنەران هەیبەت حەلبوسی، ئەمڕۆ چوارشەممە، ڕەتکردنەوەی بڕیاری بڕینی بەشەخۆراکی مانگانەی لە کارمەندانی سوپا و پۆلیس بە هەموو جۆرەکانیانەوە ڕاگەیاند.
فەرمانگەی ڕاگەیاندنی ئەنجومەنی نوێنەران لە بەیاننامەیەکدا کە بۆ ئاژانسی هەواڵی عێراقی ناردووە، دەڵێت: "سەرۆکی ئەنجومەنی نوێنەران ڕەتکردنەوەی تەواوی خۆی بۆ بڕیاری بڕینی بەشەخۆراکی مانگانە لە کارمەندانی سوپا و پۆلیس بە هەموو جۆرەکانیانەوە دەربڕیوە."
بەپێی بەیاننامەکە، حەلبوسی هەردوو لیژنەی (ئاسایش و بەرگری) و (ئابووری و پیشەسازی و بازرگانی) ڕاسپاردووە بۆ "بەدواداچوون بۆ ئەم بابەتە و نووسراوکردن بۆ حکومەت بە مەبەستی پەلەنەکردن یان هەڵوەشاندنەوەی ئەم بڕیارە، جگە لە ڕاسپاردنی لیژنەی پەیوەندیدار و لایەنە پسپۆڕەکان بۆ بەدواداچوونی بابەتی پیسبوونی ئاو لە هەردوو ڕووباری دیجلە و دیالە."