بەغداد - INA - ویسام مەلا
لیژنەی وەبەرهێنان و گەشەپێدانی پەرلەمان، ئەمڕۆ چوارشەممە ڕایگەیاند: سبەی پێنجشەممە میوانداری سەرۆکی دەستەی نیشتمانیی وەبەرهێنان دەکات، ئاماژەی بەوەشکرد: ئاراستەیەکی پەرلەمانی هەیە بۆ یەکخستنی دیدگاکان لەگەڵ دەستەی وەبەرهێنان و تێپەڕاندنی خاڵە نەرێنییەکان.
سۆزان سەعد، ئەندامی لیژنەکە لە لێدوانێکدا بۆ ئاژانسی هەواڵی عێراقی وتی: "لیژنەکە سبەی پێنجشەممە میوانداری سەرۆکی دەستەی نیشتمانیی وەبەرهێنان دەکات بۆ ئەوەی هەماهەنگی لە نێوان دەسەڵاتی یاسادانان و جێبەجێکردندا هەبێت."
راشیگەیاند: "تەماح و دیدگای یەکخراو هەیە، چونکە دەبینین خاڵی ئەرێنی و نەرێنی لەلای دەستەکە هەیە، هەوڵیش دەدەین وەبەرهێنانێکی پڕشنگدار لە عێراقدا هەبێت بەبێ دۆسیەی گەندەڵی و گومانەکان"، ئومێدیشی خواست کە "وەبەرهێنانی ڕاستەقینە لە ناوخۆی عێراقدا هەبێت و وەبەرهێنان لە سەرچاوە مرۆییەکاندا بکرێت."
سەعد ئاماژەی بەوەشکرد: "لەوانەیە لە داهاتوودا دامەزراندن نەبێت، بەتایبەت کە عێراق بە قەیرانێکی ئابووری تونددا تێپەڕ دەبێت و پێویستی بەوەیە ڕوو لە وەبەرهێنان بکات بۆ ڕەخساندنی هەلی کار بۆ گەنجان."