وەرزش – INA
یانەی ڕیاڵ مەدرید بە ئەنجامی (٢-١) لە یانەی ئالاڤێسی بردەوە، لەو یارییەی کە ئێوارەی سێشەممە لە چوارچێوەی یارییەکانی گەڕی سی و دووەمی خولی ئیسپانی (لیگا) بەڕێوەچوو.
گۆڵەکانی ڕیاڵ مەدرید لەلایەن هەریەکە لە "کیلیان مباپێ" و "ڤینیسیۆس جۆنیۆر" لە خولەکەکانی (٣٠ و ٥٠)دا تۆمارکران، لە بەرامبەردا "تۆنی مارتینێز" لە خولەکی (٣+٩٠)دا تاکە گۆڵەکەی ئالاڤێسی تۆمارکرد.
بەو سەرکەوتنە، ڕیاڵ مەدرید کۆی خاڵەکانی بۆ ٧٣ خاڵ بەرزکردەوە و لە پلەی دووەمی ڕیزبەندی لیگا جێگیر بوو، لە کاتێکدا کۆی خاڵەکانی ئالاڤێس لە ٣٣ خاڵدا وەستا و پلەی حەڤدەیەمی گرتووە.