بەغدا - INA
وەزارەتی ئاوەدانکردنەوە و نیشتەجێکردن و شارەوانییە گشتییەکان، ئەمڕۆ سێشەممە، دەستپێکردنی کارکردنی تاقیکاریی (التشغيل التجريبي) پڕۆژەی ئاوی شافعییەی لە دیوانییە ڕاگەیاند.
وەزارەت لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه : "پڕۆژەی ئاوی شافعییە لە پارێزگای دیوانییە خراوەتە واری کارکردنی تاقیکارییەوە"، ڕوونیشیکردەوە کە "ئەم پڕۆژەیە یەکێکە لە پڕۆژە گرنگ و زیندووەکانی پارێزگاکە و لە ماوەی ئەمساڵدا تەواو دەکرێت و دەکرێتەوە."
هەروەها ئهوهیش هاتووه: "پڕۆژەکە کە لە ژێر سەرپەرشتی بەڕێوەبەرایەتی گشتیی ئاو جێبەجێ دەکرێت، ئاوی خواردنەوەی پاک بۆ زیاتر لە (٥٠) هەزار کەس لە دانیشتووانی قەزای شافعییە و گوندەکانی دەوروبەری دابین دەکات"، ئاشکراشی کردووە کە "توانای بەرهەمهێنانی پڕۆژەکە (١٠٠٠) مەتر سێجا ئاوە لە سەعاتێکدا، لەگەڵ هەبوونی هێڵی گواستنەوەی ئاو کە درێژییەکەی دەگاتە زیاتر لە (٩٥٠٠) مەتر."