دۆناڵد ترامپ، سەرۆکی ئەمەریکا چەند خولەکێک لەمەوبەر لە پەیامێکی کورتدا لە تۆڕی کۆمەڵایەتی تروث نووسیویەتی "ئێران چەندین جار ئاگربەستی پێشێلکردووە."
لێدوانەکەی سەرۆکی ئەمەریکا هیچ ڕوونکردنەوە و وردەکارییەکی نەخستووەتەڕوو.
بڵاوکردنەوەی ئەم کورتە پەیامە لە کاتێکدایە کە ئاگربەستی نێوان ئەمەریکا و کۆماری ئیسلامی کە بە ئامانجی گەیشتن بە ڕێککەوتن دامەزرا، بڕیارە ڕۆژی چوارشەممە کۆتایی پێبێت.
دانوستانەکانی تاران و واشنتن لە ئیسلام ئاباد بۆ گەیشتن بە ڕێککەوتن جارێکی دیکە بەبێ هیچ ئەنجامێک گەیشتوەتە بنبەست و ئێستاش پێشبینی دەکرێت ئەمڕۆ و سبەی خولێکی دیکەی دانوستانەکانی هەردوولا بەڕێوە بچێت.