نێودەوڵەتی – INA
وەزیری دەرەوەی ئێران، عەباس عێراقچی، ئەمڕۆ دووشەممە بە ئیسحاق دار، هاوتا پاکستانییەکەی ڕاگەیاند، پێشێلکارییەکانی ئەمریکا بۆ ڕێککەوتنی ئاگربەست، ڕێگرە لەبەردەم بەردەوامبوونی پڕۆسەی دیپلۆماسییەت.
لە ڕاگەیەندراوێکی وەزارەتی دەرەوەی ئێراندا هاتووە: "عەباس عێراقچی، وەزیری دەرەوەی ئێران، لە پەیوەندییەکی تەلەفۆنیدا بە ئیسحاق دار، هاوتا پاکستانییەکەی ڕاگەیاندووە کە پێشێلکارییەکانی ئەمریکا بۆ ئاگربەست، ڕێگریکردن لە کەشتییە ئێرانییەکان و هەڕەشەکان، کۆسپن لەبەردەم بەردەوامیی دیپلۆماسییەت."
ئاماژەی بەوەش کردووە: "عێراقچی پێزانینی خۆی بۆ هەوڵەکانی ئیسلام ئاباد و نێوەندگیرییەکەی سەبارەت بە ئاگربەست دەربڕیوە،" و جەختی کردووەتەوە کە "ئێران بڕیاری خۆی لەسەر چۆنیەتی بەردەوامبوونی ڕێڕەوی دیپلۆماسی دەدات، بە لەبەرچاوگرتنی هەموو ڕەهەندەکانی کێشەکە."