بەدواداچوون – INA
ئەمڕۆ دووشەممە ، دۆناڵد ترەمپ، سەرۆکی ئەمریکا، ڕایگەیاند کە ڕێککەوتن لەگەڵ ئێران دەبێتە دەستکەوتێک کە جیهان شانازی پێوە دەکات.
ترەمپ لە پۆستێکدا لە پلاتفۆرمەکەی خۆی وتی: "ئەو ڕێککەوتنەی ئێستا لەگەڵ ئێران کاری لەسەر دەکەین زۆر باشتر دەبێت لە ڕێککەوتنی ئەتۆمی ساڵی 2015."
ئاماژەی بەوەش کرد کە "ئەو ڕێککەوتنەی لەگەڵ ئێران کاری لەسەر دەکەین زۆر باشتر دەبێت لەو ڕێککەوتنە ئەتۆمییەی کە ئۆباما واژۆی کردبوو"، ڕوونیشی کردەوە کە "ڕێککەوتنە ئەتۆمییەکەی پێشوو ڕێگایەکی مسۆگەر بوو بۆ ئەوەی ئێران دەستی بگات بە چەکی ئەتۆمی، بەڵام ئەمە لەو ڕێککەوتنەی ئێمە کاری لەسەر دەکەین ڕوو نادات."
هەروەها وتی: "ڕێککەوتن لەگەڵ ئێران دەبێتە دەستکەوتێک کە جیهان شانازی پێوە دەکات لە جیاتی ئەو ساڵانەی سوکایەتییەی کە بەدەست سەرکردایەتییەکی بێ تواناوە چەشتمان"، جەختیشی کردەوە کە "لەژێر هیچ جۆرە فشارێکدا نیم بۆ ئەنجامدانی ڕێککەوتن لەگەڵ ئێران."