بەغدا - INA
ئەمڕۆ دووشەممە، دەستەی دەسپاکی فیدراڵی، دەستگیرکردنی فەرمانبەرێکی لە یاریدەدەریی چیمەنتۆی باکوور ڕاگەیاند، کە لە کاتی وەرگرتنی بەرتیلدا دەستگیرکراوە بەرامبەر بە وادەی داخستنی داوایەکی یاسایی لە یەکێک لە دادگاکانی پارێزگای نەینەوا.
لە ڕاگەیەندراوێکی دەستەکەدا کە دەست ئاژانسی هەواڵی عێراقی (INA) کەوتووە، هاتووە: "تیمێکی کار لە بەڕێوەبەرایەتی لێکۆڵینەوەی نەینەوا، توانییان فەرمانبەرێک لە یاریدەدەریی چیمەنتۆی باکوور دەستگیر بکەن لە کاتی وەرگرتنی بڕە پارەیەکی بەرتیل لە بریکاری یەکێک لە کۆمپانیاکانی وەبەرهێنانی پیشەسازی و دروستکردنی چیمەنتۆ کە گرێبەستی لەگەڵ کۆمپانیای گشتیی چیمەنتۆی عێراقی هەیە؛ بەو بانگەشەیەی کە ڕێکارەکانی ئەو داوا یاساییەی لە یەکێک لە دادگاکانی لێکۆڵینەوەیە خێرا دەکات و وای پیشان داوە کە هەوڵ بۆ داخستنی دەدات".
ئەوەشی خستە ڕوو: "کۆنووسێکی دەستبەسەرداگرتنی یاسایی ڕێکخرا و لەگەڵ تۆمەتبارەکەدا خرایە بەردەم دادوەری دادگای لێکۆڵینەوەی نەینەوا کە تایبەتە بە کەیسەکانی دەسپاکی، ئەویش بڕیاری دا بە ڕاگرتنی (تەوقیفکردنی) بەپێی حوکمەکانی بڕیاری ژمارە 160ی ساڵی 1983".