بەغداد – INA
ئەمڕۆ یەکشەممە"محەمەد شیاع سودانی"سەرۆکوەزیران،فەرمانی کرد بە پێکهێنانی لیژنەیەکی وردبینی بۆ وردبینیکردن لە دۆسیەکانی ئەدا و جێبەجێکردن، و ئەو ڕێکارانەی تایبەتن بە چاکسازی لە ڕێڕەوی کارکردنی هێڵی ئاسمانیی نیشتمانی .
نووسینگەی ڕاگەیاندنی سەرۆکوەزیران لە بەیاننامەیەکدا کە بۆ ئاژانسی هەواڵی عێراقی (INA) ناردوویەتی،تیایدا ڕایگەیاند: لە چوارچێوەی بەدواداچوونەکانی "محەمەد شیاع سودانی " سەرۆکوەزیران بۆ ڕاپۆرت و دۆسیە پەیوەندیدارەکان بە ئەدای وەزیفی و خزمەتگوزاریی بەڕێوەبەرایەتی کۆمپانیای هێڵە ئاسمانییەکانی عێراق، سودانی فەرمانی کرد بە پێکهێنانی لیژنەیەکی وردبینی بە سەرۆکایەتی دەستەی دەسپاکی فیدراڵ و ئەندامییەتی دیوانی چاودێری دارایی و بەشی بەدواداچوون لە نووسینگەی سەرۆکوەزیران.
ئەرکی ئەم لیژنەیە بریتی دەبێت لە:
* وردبینیکردن لە دۆسیەکانی ئەدا و جێبەجێکردن.
* پێداچوونەوە بە ڕێکارەکانی چاکسازیی کارەکانی هێڵی ئاسمانی نیشتمانی.
* هەر بابەتێک کە پەیوەندی بە پەرەپێدانی خزمەتگوزاری و بەرزکردنەوەی ئاستەکەیەوە هەبێت.
هەروەک لە بەیاننامەکەدا هاتووە : ئەم ڕێنماییانەی سودانی لە چوارچێوەی پرۆسەی چاکسازیی گشتیی خزمەتگوزاریدایە و وەک وەڵامدانەوەیەکە بۆ:
1. داواکاری و تێبینی و سکاڵای ژمارەیەکی زۆر لە کارمەندانی کۆمپانیای هێڵە ئاسمانییەکانی عێراق سەبارەت بە مافەکانیان.
2. کوالێتی خزمەتگوزارییە پێشکەشکراوەکان.
3. داهاتووی کارکردنی هێڵی ئاسمانی نیشتمانی و ناوبانگی نێودەوڵەتی وڵات.