بەغدا - INA
ئەمڕۆ یەکشەممە، عەدنان فیحان دلێمی، جێگری یەکەمی سەرۆکی ئەنجومەنی نوێنەران، پێشوازی لە "سوی وێی" باڵیۆزی کۆماری میللی چین لە عێراق کرد.
بەگوێرەی راگەیەندراوێکی نوسینگەی راگەیاندنی فیحان ، کە بۆ ئاژنسی هەواڵی عێراقی (INA)ناردوویەتی،تیایدا هاتووە : لە دیدارێکدا باس لە چەند تەوەرێکی سەرەکی کرا: لەوانە ڕێگەکانی پەرەپێدانی پەیوەندییەکان و کاراکردنی پەیوەندییە پەرلەمانییەکانی نێوان هەردوو وڵات.
هەر بەگوێرەی راگەیەندراوەکە : "فیحان" جەختی کردەوە کە پەرلەمان ئامادەیە بۆ دابینکردنی پاڵپشتی یاسایی بە مەبەستی کاراکردنی پڕۆژەی "ڕێگەی گەشەپێدان" وەک ئەولەوییەتێکی ستراتیژی.
هەروەک داواکرا سوود لە ئەزموونە پێشکەوتووەکانی چین وەربگیرێت و ژینگەیەکی لەباری وەبەرهێنان بۆ کۆمپانیا چینییەکان بڕەخسێنرێت تاوەکو لە پەرەپێدانی کەرتە خزمەتگوزاری و ئابوورییەکانی عێراقدا بەشدار بن.
هەر لە دیدارەکەدا تاوتوێی دوایین گۆڕانکارییە ناوخۆیی و هەرێمایەتییەکان و کاریگەرییان لەسەر هاوکاریی هاوبەش کرا .