بەدواداچوون – INA
تەلەفزیۆنی فەرمی ئێران ڕایگەیاند: وەفدێکی فەرمی پاکستان لە ئێستادا سەردانی تارانی کردووە بۆ گەیاندنی پەیامێکی ئەمریکا و پلاندانان بۆ ئەنجامدانی گفتوگۆی نوێ.
تەلەفزیۆنی ئێران لە هەواڵێکی بەپەلەدا ڕایگەیاند: "وەزیری دەرەوە، عەباس عێراقچی، کەمێکی تر پێشوازی لە وەفدێکی باڵای پاکستان لە تاران دەکات".
ئەوەشی خستەڕوو: "وەفدە پاکستانییەکە پەیامێکی ئەمریکایان بۆ تاران پێیە کە پەیوەستە بە پلاندانان بۆ خولێکی داهاتووی گفتوگۆکان".
لای خۆشیەوە، ئاژانسی "مێهر"ی ئێرانی ئاماژەی بەوەکرد: "سەرۆکایەتی وەفدە پاکستانییەکە کە سەردانی ئێرانی کردووە، لەلایەن عاسم مونیر، فەرماندەی سوپای پاکستانەوە دەکرێت".
لە لایەکی ترەوە، ڕۆژنامەی "وۆڵ ستریت جۆرناڵ" لە زاری بەرپرسانی ئەمریکاوە بڵاویکردەوە: "واشنتۆن و تاران لەسەر بنەمای سەرەتایی ڕێککەوتوون لەسەر ئەنجامدانی کۆبوونەوەیەک، بەڵام تا ئێستا کات و شوێنەکەیان دیاری نەکردووە".
لە پێشهاتێکی پەیوەندیداردا، کەناڵی "جیۆ"ی پاکستانی لە زاری سەرچاوە فەرمییەکانەوە ڕایگەیاند: "ڕێنمایی دەرکراوە بۆ دەستەبەرکردنی ئامادەکاری لۆجستی و ئەمنی بە مەبەستی میوانداریکردنی گفتوگۆکانی نێوان ئێران و ئەمریکا".