بەدواداچوون – INA
سەید موجتەبا خامنەیی، ڕێبەری باڵای ئێران، ئەمڕۆ پێنجشەممە جەختی کردەوە کە ئێران هەوڵی جەنگ نادات بەڵام دەستبەرداری مافەکانی نابێت، هاوکات ئاماژەی بەوە کرد کە گەلی ئێران لە مەیدانەکەدا بە سەرکەوتوویی دەرچووە و ئێستا ڕوون بووەتەوە کە ئێران هێزە خۆبەگەورەزانەکان ڕوو لە ئاوابوونن.
سەید موجتەبا خامنەیی لە ساڵیادی تێپەڕبوونی ٤٠ ڕۆژ بەسەر شەهیدبوونی سەید عەلی خامنەیی و سەبارەت بە پرسەکانی جەنگ ڕایگەیاند: پێویستە ئامادەیی گەل لە مەیدانەکەدا بەردەوام بێت وەک ئەوەی لە ماوەی ٤٠ ڕۆژی ڕابردوودا هەبووە، هەروەها وتیشی: تاوەکو ئەم قۆناغەی 'بەرگریی پیرۆزی سێیەم'، دەتوانرێت بەوپەڕی متمانەوە بوترێت کە ئێوەی گەل سەرکەوتووی ڕاستەقینەی مەیدانەکە بوون.
سەید موجتەبا خامنەیی جەختی کردەوە کە "٤٠ ڕۆژ بەسەر یەکێک لە گەورەترین تاوانەکانی دوژمنانی ئیسلام و ئێران و یەکێک لە قورسترین کارەساتەکانی مێژووی ئەم گەلەدا تێپەڕیوە، ڕوونیشیکردەوە کارەساتی شەهیدبوونی دڵتەزێنی ڕێبەری مەزنی شۆڕش، باوکی نەتەوەی ئێران و ڕێبەری ئوممەتی ئیسلامی و پێشەوای هەقخوازان، ئاماژەشی بە سەیدولشوهەدای ئێران و بەرەی بەرگری، 'خامنەیی گەورە' کرد.
بەردەوام بوو و وتی: ٤٠ ڕۆژ و شەو، ڕۆڵەکانی خومەینیی مەزن و خامنەیی ئازیز و شوێنکەوتوانی ئیسلام لە مەیدان و شەقام و سەنگەرەکاندان، ئاماژەی بەوەش کرد کە سەرەڕای ئەو گورز و زیانانەی بەهۆی هێرشە دڕندانەکانی دوژمنەوە کەوتوونەتەوە، بەڵام جەنگی سەپێندراوی سێیەمیان گۆڕیوە بۆ داستان (داستانێکی مێژوویی)."
سەید موجتەبا خامنەیی جەختی کردەوە کە گەلی هۆشیاری ئێران سەرەڕای نیشاندانی هەستی خەم و پەژارەی گەورە بۆ کۆچی دوایی پێشەوا شەهیدەکەیان، بەڵام داستانێکیان لەم کارەساتە دروستکرد، ڕوونیشیکردەوە دوژمنی پڕچەک تووشی سەرسوڕمان و دەستەوەستانی بووە، و ئەم گەلە سەرسامیی ئازادیخوازانی جیهانی وروژاندووە.
ئاماژەی بەوەش کرد کە ئاڵای ئێرانی ئیسلامی تەنها لە جوگرافیای خاکی وڵاتەکەماندا ناشەکێتەوە، بەڵکو لە ناخی دڵی هەقخوازانی جیهاندا دەشەکێتەوە