بەدواداچوون - INA
دۆناڵد ترەمپ، سەرۆکی ئەمریکا، ئەمڕۆ چوارشەممە جەختیکردەوە: گفتوگۆ ڕاستەوخۆکان لەگەڵ ئێران زۆر بەم نێزیکانە بەڕێوەدەچن.
ڕۆژنامەی "نیویۆرک پۆست" لە زاری ترەمپەوە بڵاویکردەوە: "گفتوگۆ ڕاستەوخۆکان لەگەڵ ئێران زۆر بەم نێزیکانە ئەنجام دەدرێن".
ترەمپ ئاماژەی بەوەشکرد: "لەوانەیە جەی دی ڤانس، جێگرەکەی، بەهۆی نیگەرانییە ئەمنییەکانەوە بە شێوەی مەیدانی و ڕاستەوخۆ ئامادەی گفتوگۆکانی پاکستان نەبێت".
پێشتر شەهباز شەریف، سەرۆک وەزیرانی پاکستان ڕایگەیاندبوو، کە ڕۆژی هەینی وەفدەکانی ئەمریکا و ئێران بۆ ئەنجامدانی دانوستانەکان دەگەنە ئیسلام ئاباد.